شاهد علينا الزمن
بالبصرة بالسماوة مــن ينصب
ديوانه
شاهد علينا الزمن
وشاهد علينا كل البشر من تجي
وتنخانه
لوطاح واحدكم كل احنا نلمه ونصير
اخوانه
شاهد علينا الزمن وشاهد قبل هالتاريخ
بسومر .. وبابل .. وبأكد شمنقوش بكل
حجر
لك بينا ارتسم تاريخ الــــــحضارة
وبسم العراق ابتدى
عنوانه
شاهد علينا الزمن
مـن يوكـف بوجه الــمدافع يحارب
المكوار
واذا ماتصدك روح واسال
عدانه
شاهد علينا الزمن
بالــرمادي وبصلاح الـدين من ينصب
ديوانه
شاهد علينا الزمن واحدنا من المهد
بالفكر تصير شيوخ
صبيانه
لك شاهد عـــلينا الزمن
بالعمارة .. بالناصرية تلكة
عربانه
ماذلينا ارواحـنا لاي بشر
واحدنا ديوان الشعر سيفه والتبلية
حصانه
لك ياطائفة اتذكرتوها اليوم لك لا
تزامط بكنيتك لاتندحر كول عراقي
انه
ورغم الجرى ورغم المحن زاد الفخر
بهالوطن حتى في
نسوانه
من الصبح يسابق تغريد البلابل منجل امي
ابستانه
تحوي بدل الثمر غيرة وشرف تعلمنا عليه
قبل الاكل قبل ما
تسكانه
لك شاهد علينا الزمن
شــاهد علينا الزمن وغـصب عني وعنك
يـــبقى عــالي هــالعلم يـرفـرف
بسمانه
والله واكبر تتوسده وثلاث انجوم تسواهم
وتسوانه
لن بيهن رفعة راس النه ولجلهن عمره العدا
بالغدر مـــــــــــــــــا
لوانه
شاهد علينا الزمن من شماله لجنوبه هالوطن
ماينقهر
لــــن بسم الـعراق الـتاريخ ابــتدى
عنوانه
وبسم اخر بشر بيــه
واخر شبر منه ينهي
عنوانه
(*(*(*((& ألــــــــعراب &))**)*)*)
